1. אַל-תְּקַנֵּא בְאַנְשֵׁי רָעָה; וְאַל-תִּתְאַוֵּה לִהְיוֹת אִתָּם.
2. כִּי-שֹׁד יֶהְגֶּה לִבָּם, וְעָמָל שִׂפְתֵיהֶם תְּדַבֵּרְנָה.
3. בְּחָכְמָה יִבָּנֶה בָּיִת; וּבִתְבוּנָה, יִתְכּוֹנָן.
4. וּבְדַעַת, חֲדָרִים יִמָּלְאוּ–כָּל-הוֹן יָקָר וְנָעִים.
5. גֶּבֶר-חָכָם, בַּעוֹז; וְאִישׁ-דַּעַת, מְאַמֶּץ-כֹּחַ.
6. כִּי בְתוּשִׁיּוֹת, תַּעֲשֶׂה-לְּךָ מִלְחָמָה; וּתְשׁוּעָה, בְּרֹב יוֹעֵץ.
7. רָאמוֹת לֶאֱוִיל חָכְמוֹת; בַּשַּׁעַר, לֹא-יִפְתַּח פִּיהוּ.
8. מְחַשֵּׁב, לְהָרֵעַ; לוֹ, בַּעַל מְזִמּוֹת יִקְרָאוּ.
9. זִמַּת אִוֶּלֶת, חַטָּאת; וְתוֹעֲבַת לְאָדָם לֵץ.
10. הִתְרַפִּיתָ בְיוֹם צָרָה–צַר, כֹּחֶכָה.
11. הַצֵּל לְקֻחִים לַמָּוֶת; וּמָטִים לַהֶרֶג אִם-תַּחְשׂוֹךְ.
12. כִּי-תֹאמַר, הֵן לֹא-יָדַעְנוּ-זֶה: הֲלֹא-תֹכֵן לִבּוֹת הוּא יָבִין, וְנֹצֵר נַפְשְׁךָ הוּא יֵדָע; וְהֵשִׁיב, לְאָדָם כְּפָעֳלוֹ.
13. אֱכָל-בְּנִי דְּבַשׁ כִּי-טוֹב; וְנֹפֶת מָתוֹק עַל-חִכֶּךָ.
14. כֵּן, דְּעֵה חָכְמָה לְנַפְשֶׁךָ; אִם-מָצָאתָ, וְיֵשׁ אַחֲרִית, וְתִקְוָתְךָ לֹא תִכָּרֵת.
15. אַל-תֶּאֱרֹב רָשָׁע, לִנְוֵה צַדִּיק; אַל-תְּשַׁדֵּד רִבְצוֹ.
16. כִּי שֶׁבַע יִפֹּל צַדִּיק וָקָם; וּרְשָׁעִים יִכָּשְׁלוּ בְרָעָה.
17. בִּנְפֹל אוֹיִבְךָ אַל-תִּשְׂמָח; וּבִכָּשְׁלוֹ אַל-יָגֵל לִבֶּךָ.
18. פֶּן-יִרְאֶה יְהוָה, וְרַע בְּעֵינָיו; וְהֵשִׁיב מֵעָלָיו אַפּוֹ.
19. אַל-תִּתְחַר בַּמְּרֵעִים; אַל-תְּקַנֵּא בָּרְשָׁעִים.
20. כִּי לֹא-תִהְיֶה אַחֲרִית לְרָע; נֵר רְשָׁעִים יִדְעָךְ.
21. יְרָא אֶת-יְהוָה בְּנִי, וָמֶלֶךְ; עִם-שׁוֹנִים, אַל-תִּתְעָרָב.
22. כִּי-פִתְאֹם יָקוּם אֵידָם; וּפִיד שְׁנֵיהֶם, מִי יוֹדֵעַ.
23. גַּם-אֵלֶּה לַחֲכָמִים: הַכֵּר-פָּנִים, בְּמִשְׁפָּט–בַּל-טוֹב.
24. אֹמֵר לְרָשָׁע, צַדִּיק אָתָּה; יִקְּבֻהוּ עַמִּים, יִזְעָמוּהוּ לְאֻמִּים.
25. וְלַמּוֹכִיחִים, יִנְעָם; וַעֲלֵיהֶם תָּבוֹא, בִּרְכַּת-טוֹב.
26. שְׂפָתַיִם יִשָּׁק, מֵשִׁיב דְּבָרִים נְכֹחִים.
27. הָכֵן בַּחוּץ מְלַאכְתֶּךָ, וְעַתְּדָה בַשָּׂדֶה לָךְ; אַחַר, וּבָנִיתָ בֵיתֶךָ.
28. אַל-תְּהִי עֵד-חִנָּם, בְּרֵעֶךָ; וַהֲפִתִּיתָ, בִּשְׂפָתֶיךָ.
29. אַל-תֹּאמַר, כַּאֲשֶׁר עָשָׂה-לִי כֵן אֶעֱשֶׂה-לּוֹ; אָשִׁיב לָאִישׁ, כְּמַעֲשֵׂהוּ.
30. עַל-שְׂדֵה אִישׁ-עָצֵל עָבַרְתִּי; וְעַל-כֶּרֶם, אָדָם חֲסַר-לֵב.
31. וְהִנֵּה, עָלָה כֻלּוֹ קִמְּשֹׂנִים–כָּסּוּ פָנָיו חֲרֻלִּים; וְגֶדֶר אֲבָנָיו, נֶהֱרָסָה.
32. וָאֶחֱזֶה אָנֹכִי, אָשִׁית לִבִּי–רָאִיתִי, לָקַחְתִּי מוּסָר.
33. מְעַט שֵׁנוֹת, מְעַט תְּנוּמוֹת–מְעַט, חִבּוּק יָדַיִם לִשְׁכָּב.
34. וּבָא-מִתְהַלֵּךְ רֵישֶׁךָ; וּמַחְסֹרֶיךָ, כְּאִ
'마인드' 카테고리의 다른 글
| 잠언 25장(히브리어) (0) | 2024.05.25 |
|---|---|
| “망망대해를 넘은 꿈과 절망의 여정: 김영하의 검은 꽃” (1) | 2024.05.24 |
| 자신의 정체성을 찾아 떠나는 여정: 김영하의 ‘나는 나를 파괴할 권리가 있다’ (0) | 2024.05.23 |
| 잠언 23장(히브리어) (0) | 2024.05.23 |
| 약육강식(弱肉强食) (0) | 2024.05.22 |