1. נִבְחָ֣ר שֵׁ֭ם מֵעֹ֣שֶׁר רָ֑ב מִכֶּ֥סֶף וּ֝מִזָּהָ֗ב חֵ֣ן טֽוֹב׃
2. עָשִׁ֣יר וָ֭רָשׁ נִפְגָּ֑שׁוּ עֹשֵׂ֖ה כֻלָּ֣ם יְהוָֽה׃
3. עָרוּם רָ֭אָה רָעָ֣ה וְנִסְתָּ֑ר וּפְתָאיִ֥ם עָ֝בְר֗וּ וְנֶעֱנָֽשׁוּ׃
4. עֵ֣קֶב עֲ֭נָוָה יִרְאַ֣ת יְהוָ֑ה עֹ֥שֶׁר וְכָב֖וֹד וְחַיִּ֣ים׃
5. צִנִּ֣ים פַּ֭חִים בְּדֶ֣רֶךְ עִקֵּ֑שׁ שׁוֹמֵ֥ר נַ֝פְשׁ֗וֹ יִרְחַ֥ק מֵהֶֽם׃
6. חֲנֹ֣ךְ לַ֭נַּעַר עַל־פִּ֣י דַרְכּ֑וֹ גַּם־כִּֽי־יַ֝זְקִ֗ין לֹ֣א יָס֥וּר מִמֶּֽנָּה׃
7. עָשִׁ֣יר בְּ֭רָשִׁים יִמְשׁ֑וֹל וְעֶ֥בֶד לֹוֶ֗ה לְאִ֣ישׁ מַלְוֶֽה׃
8. זֹרֵ֣עַ עַ֭וְלָה יִקְצָר־אָ֑וֶן וְשֵׁ֖בֶט עֶבְרָת֣וֹ יִכְלֶֽה׃
9. ט֣וֹב עַ֭יִן ה֣וּא יְבֹרָ֑ךְ כִּי־נָתַ֖ן מִלַּחְמ֣וֹ לַדָּֽל׃
10. גָּרֵ֣שׁ לֵ֭ץ וְיֵצֵ֣א מָד֑וֹן וְיִשְׁבֹּ֖ת דִּ֣ין וְקָלֽוֹן׃
11. אֹהֵ֣ב טְהַר־לֵ֑ב חֵ֖ן שְׂפָתָ֣יו רֵעֵֽהוּ מֶ֣לֶךְ׃
12. עֵינֵ֣י יְ֭הוָה נָצְר֣וּ דָ֑עַת וַיְסַלֵּ֖ף דִּבְרֵ֣י בֹגֵֽד׃
13. אָמַ֣ר עָ֭צֵל אֲרִ֣י בַח֑וּץ בְּ֝תֻ֗ךְ רְחֹב֥וֹת אֵֽרָצֵֽחַ׃
14. שׁ֩וּחָֽה עֲמֻקָּ֣ה פִּֽי־זָר֑וֹת זְעוּם־יְ֝הוָ֗ה יִפָּ֥ל שָֽׁם׃
15. אִוֶּ֣לֶת קְשׁוּרָ֣ה בְלֶב־נָ֑עַר שֵׁ֖בֶט מוּסָ֣ר יַרְחִיקֶֽנָּה מִמֶּֽנּוּ׃
16. עֹ֭שֵׁק דָּ֣ל לְהַרְבּ֑וֹת ל֝וֹ נֹתֵ֗ן לְעָשִׁ֥יר אַךְ־לְמַחְסֽוֹר׃
17. הַט־אָ֭זְנְךָ וּשׁ֣מַע דִּבְרֵ֣י חֲכָמִ֑ים וְ֝לִבְּךָ֗ תָּשִׁ֥ית לְדַעְתִּֽי׃
18. כִּ֤י נָעִ֣ים כִּ֭י תִשְׁמְרֵ֣ם בְּבִטְנֶ֑ךָ יִכֹּ֖נוּ יַחְדָּ֣ו עַל־שְׂפָתֶֽיךָ׃
19. לִ֭הְיוֹת בַּיהוָ֣ה מִבְטַחֶ֑ךָ הוֹדַעְתִּ֖יךָ הַיּ֣וֹם אַף־אָֽתָּה׃
20. הֲלֹ֤א כָתַ֣בְתִּי לְ֭ךָ שָׁלִשִׁ֗ים בְּֽמוֹעֵצ֥וֹת וָדָֽעַת׃
21. לְהוֹדִ֣יעֲךָ קֹ֖שְׁט אִמְרֵי־אֱמֶ֑ת לְהָשִׁ֖יב אֲמָרִ֣ים אֱמֶֽת לְשֽׁלֹחֲךָֽ׃
22. אַל־תִּגְזָ֣ל דָּ֭ל כִּי־דָ֑ל וְאַל־תְּדַכֵּ֖א עָנִ֣י בַשָּֽׁעַר׃
23. כִּֽי־יְהוָ֣ה יָ֭רִיב רִיבָ֑ם וְקָבַ֥ע אֶת־קֹ֝בְעֵיהֶ֗ם נָֽפֶשׁ׃
24. אַל־תִּ֭תְרַע אֶת־בַּ֣עַל אָ֑ף וְאֶת־אִ֥ישׁ חֵ֝מוֹת לֹ֣א תָבֽוֹא׃
25. פֶּ֗ן־תֶּאֱלַ֥ף אֹרְחֹתָ֑יו וְלָ֥קַחְתָּ מוֹקֵֽשׁ לְנַפְשֶֽׁךָ׃
26. אַל־תְּ֭הִי בְתֹקְעֵי־כָ֑ף בַּ֝עֹרְבִ֗ים מַשָּׁאֽוֹת׃
27. אִֽם־אֵ֭ין לְךָ לְשַׁלֵּ֑ם לָ֝מָּה יִקַּ֥ח מִשְׁכָּבְךָ֗ מִתַּחְתֶּֽיךָ׃
28. אַל־תַּ֭סֵּג גְּב֣וּל עוֹלָ֑ם אֲשֶׁ֖ר עָשׂ֣וּ אֲבוֹתֶֽיךָ׃
29. חָזִ֣יתָ אִ֭ישׁ מָ֣הִיר בִּמְלַאכְתּ֑וֹ לִ
'마인드' 카테고리의 다른 글
| 약육강식(弱肉强食) (0) | 2024.05.22 |
|---|---|
| 금지된 사랑의 전쟁터: 한별 작가의 ‘불륜 전쟁’ (0) | 2024.05.22 |
| 사나이의 힘찬 발걸음: 한별 작가의 ‘사나이 행진곡’ (0) | 2024.05.21 |
| 잠언 21장(히브리어) (0) | 2024.05.21 |
| 환경 보호의 중요성, 한별 작가의 '하나뿐인 지구' (0) | 2024.05.20 |