1. לֵץ הַיָּיִן הֹמֶה, שֵׁכָר וְכָל-שֹׁגֶה בוֹ לֹא יֶחְכָּם.
2. נַהַם כַּכְּפִיר אֵימַת מֶלֶךְ; מִתְעַבְּרוֹ חוֹטֵא נַפְשׁוֹ.
3. כָּבוֹד לָאִישׁ שֶׁבֶת מֵרִיב; וְכָל אֱוִיל יִתְגַּלָּע.
4. מֵחֹרֶף עָצֵל לֹא יַחֲרוֹשׁ; יִשְׁאַל בַּקָּצִיר וָאָיִן.
5. מַיִם עֲמֻקִּים עֵצָה בְלֶב-אִישׁ; וְאִישׁ תְּבוּנָה יִדְלֶנָּה.
6. רָב אָדָם יִקְרָא אִישׁ חַסְדּוֹ; וְאִישׁ אֱמוּנִים מִי יִמְצָא.
7. מִתְהַלֵּךְ בְּתוּמּוֹ צַדִּיק; אַשְׁרֵי בָנָיו אַחֲרָיו.
8. מֶלֶךְ יוֹשֵׁב עַל-כִּסֵּא-דִין, מְזָרֶה בְעֵינָיו כָּל-רָע.
9. מִי-יֹאמַר זִכִּיתִי לִבִּי, טָהַרְתִּי מֵחַטָּאתִי.
10. אֶבֶן וָאֶבֶן, אֵיפָה וְאֵיפָה-- תּוֹעֲבַת יְהוָה, גַּם-שְׁנֵיהֶם.
11. גַּם-בְּמַעֲלָלָיו, יִתְנַכֶּר-נָעַר-- אִם-זַךְ וְאִם-יָשָׁר פָּעֳלוֹ.
12. אֹזֶן שֹׁמַעַת, וְעַיִן רֹאָה-- יְהוָה עָשָׂה, גַּם-שְׁנֵיהֶם.
13. אַל-תֶּאֱהַב שֵׁנָה, פֶּן-תִּוָּרֵשׁ; פְּקַח עֵינֶיךָ, שְׂבַע-לָחֶם.
14. רַע רַע, יֹאמַר הַקּוֹנֶה; וְאֹז יֵלֵךְ לוֹ, אָז יִתְהַלָּל.
15. יֵשׁ-זָהָב וְרָב-פְּנִינִים; וּכְלִי יְקָר, שִׂפְתֵי-דָעַת.
16. לְקַח-בִּגְדוֹ כִּי-עָרַב זָר, וּבְעַד נָכְרִיָּה--חַבְלֵהוּ.
17. עָרֵב לָאִישׁ לֶחֶם-שָׁקֶר; וְאַחַר יִמָּלֵא-פִיהוּ חָצָץ.
18. מַחֲשָׁבוֹת בְּעֵצָה תִכּוֹן; וּבְתַחְבֻּלוֹת עֲשֵׂה מִלְחָמָה.
19. גּוֹלֶה סּוֹד הוֹלֵךְ רָכִיל; וּלְפֹתֶה שְׂפָתָיו לֹא תִתְעָרָב.
20. מְקַלֵּל אָבִיו וְאִמּוֹ--יִדְעַךְ נֵרוֹ בֶּאֱשׁוּן חֹשֶׁךְ.
21. נַחֲלָה מְבֹהֶלֶת בָּרִאשֹׁנָה, וְאַחֲרִיתָהּ לֹא תְבֹרָךְ.
22. אַל-תֹּאמַר אֲשַׁלֵּמָה רָע; קַוֵּה לַיהוָה, וְיוֹשַׁע לָךְ.
23. תּוֹעֲבַת יְהוָה, אֶבֶן וָאָבֶן; וּמֹאזְנֵי מִרְמָה, לֹא-טוֹב.
24. מֵיְהוָה, מִצְעֲדֵי-גָבֶר; וְאָדָם, מַה-יָּבִין דַּרְכּוֹ.
25. מוֹקֵשׁ אָדָם יָלַע קֹדֶשׁ, וְאַחַר נְדָרִים לְבַקֵּר.
26. מְזָרֶה רְשָׁעִים מֶלֶךְ חָכָם; וַיָּשֶׁב עֲלֵיהֶם אוֹפָן.
27. נֵר יְהוָה, נִשְׁמַת אָדָם-- חֹפֵשׂ כָּל-חַדְרֵי-בָטֶן.
28. חֶסֶד וֶאֱמֶת, יִצְּרוּ-מֶלֶךְ; וְסָעַד בַּחֶסֶד כִּסְאוֹ.
29. תִּפְאֶרֶת בַּחוּרִים כֹּחָם; וַהֲדַר זְקֵנִים שֵׂיבָה.
30. חַבֻּרוֹת פֶּצַע תַּמְרִיק בְּרָע; וּמַכּוֹת חַדְרֵי-בָטֶן.
'마인드' 카테고리의 다른 글
| 잠언 21장(히브리어) (0) | 2024.05.21 |
|---|---|
| 환경 보호의 중요성, 한별 작가의 '하나뿐인 지구' (0) | 2024.05.20 |
| 선택의 무게, 한별 작가의 '그날, 나는 못 본 척 했다' (2) | 2024.05.19 |
| 잠언 19장(히브리어) (0) | 2024.05.19 |
| 모험과 성장의 여정, 한별 작가의 '굿바이 피터팬' (0) | 2024.05.18 |