1. כַּשֶּׁ֣לֶג בַּקַּ֣יִץ וְכַמָּטָ֣ר בַּקָּצִ֑יר; כֵּ֣ן לֹא-נָאוֶ֖ה לִכְסִ֣יל כָּבֽוֹד.
2. כַּצִּפּ֣וֹר לָנ֑וּד כַּדְּרוֹר֙ לָע֔וּף; כֵּ֤ן קִֽלְלַ֖ת חִנָּ֣ם לֹֽא-תָבֽוֹא.
3. שֽׁוֹט-לַסּ֣וּס מֶ֣תֶג לַחֲמ֑וֹר; וְשֵׁ֥בֶט לְגֵ֖ו כְּסִילִ֣ים.
4. אַל-תַּ֥עַן כְּסִ֗יל כְּאִוַּלְתּ֑וֹ; פֶּן-תִּשְׁוֶה-לּ֥וֹ גַם-אָֽתָּה.
5. עֲנֵ֣ה כְסִ֣יל כְּאִוַּלְתּ֑וֹ; פֶּן-יִהְיֶ֖ה חָכָ֣ם בְּעֵינָֽיו.
6. מְקַצֶּ֣ה רַגְלַ֣יִם חָמָ֑ס שֹׁ֝תֶ֗ה שֹׁלֵ֣חַ דְּבָרִֽים.
7. דַּלְיוּ שֹׁ֭קַיִם מִפִּסֵּ֑חַ; וּמָשָׁ֥ל בְּפִֽי-כְ֝סִילִ֗ים.
8. כִּצְר֣וֹר אֶ֭בֶן בְּמַרְגֵּמָ֑ה; כֵּ֤ן נוֹתֵ֖ן לִכְסִ֣יל כָּבֽוֹד.
9. כְּֽחוֹחַ֨ יָ֥עֲלֶ֗ה בְּיַ֫ד-שִׁכּ֥וֹר; וּמָשָׁ֥ל בְּפִֽי-כְ֝סִילִ֗ים.
10. רַֽב-מְחוֹלֵ֥ל כָּל-וּ֑שֵׂךְ; וְשֹׂכֵ֖ר כְּסִ֣יל וְשֹׂכֵֽר-עוֹבְרִֽים.
11. כְּכֶ֣לֶב שָׁ֭ב עַל-קֵ֣אוֹ; כְּסִ֖יל שׁוֹנֶ֣ה בְאִוַּלְתּֽוֹ.
12. רָאִ֣יתָ אִ֭ישׁ חָכָ֣ם בְּעֵינָ֑יו; תִּקְוָ֥ה לִ֝כְסִ֗יל מִמֶּ֥נּוּ.
13. אָמַ֣ר עָ֭צֵל שַׁ֣חַל בַּדָּ֑רֶךְ; אֲ֝רִ֗י בֵּֽין-הָרְחֹבֽוֹת.
14. הַדֶּ֗לֶת תִּסּ֥וֹב עַל-צִירָ֑הּ; וְעָצֵ֥ל עַל-מִטָּתֽוֹ.
15. טָמַ֣ן עָ֭צֵל יָד֣וֹ בַצַּלָּ֑חַת; נִלְאָ֥ה לַ֝הֲשִׁיבָ֗הּ אֶל-פִּֽיו.
16. חָכָ֣ם עָצֵ֣ל בְּעֵינָ֑יו; מִשִּׁבְעָ֖ה מְשִׁ֣יבֵי טָֽעַם.
17. מַ֣חֲזִֽיק בְּאָזְנֵי-כָ֑לֶב; עֹבֵ֖ר מִתְעַבֵּ֣ר עַל-רִֽיב לֹּא-לֽוֹ.
18. כִּמְשַׁחֵ֣ק הַ֭מִּתְלַהְלֵ֣הַּ הַזֹּרֶ֣ה זִקִּ֑ים חִ֝צִּ֗ים וָמָֽוֶת.
19. כֵּֽן-אִ֭ישׁ רִמָּ֑ה אֶת-רֵעֵ֥הוּ; וְאָמַ֗ר הֲלֹא-מְשַׂחֵ֥ק אָנִֽי.
20. בְּאֶ֣פֶס עֵצִ֣ים תִּכְבֶּה-אֵ֑שׁ; וּבְאֵ֖ין נִרְגָּ֣ן יִשְׁתֹּֽק מָדֽוֹן.
21. פֶּֽחָמִ֗ים לְ֭גֶחָלִים וְעֵצִ֥ים לָאֵ֑שׁ; וְאִ֥ישׁ מְדֹנִ֗ים לְחַרְחַ֥ר רִֽיב.
22. דִּבְרֵ֣י נִ֭רְגָּן כְּמִ֣תְלַהֲמִ֑ים; וְהֵ֥ם יָ֝רְד֗וּ חַדְרֵי-בָֽטֶן.
23. כֶּֽסֶף-סִ֭יגִים מְצֻפֶּ֣ה עַל-חָ֑רֶשׂ; שְׂפָתַ֥יִם דֹּ֝לְקִ֗ים וְלֶב-רָֽע.
24. בִּֽשְׂפָתָ֣יו יִֽנָּכֵ֣ר שׂוֹנֵ֑א; וּבְקִרְבּ֥וֹ יָ֝שִׁ֗ית מִרְמָֽה.
25. כִּ֤י יְחַנֵּ֣ן קוֹל֑וֹ אַל-תַּ֝אֲמֶן-בּ֗וֹ; כִּי-שֶׁ֣בַע תּוֹעֲבוֹת בְּלִבּֽוֹ.
26. תִּכַּסֶּ֣ה שִׂ֭נְאָה בְּמַשָּׁאוֹן; תִּגָּלֶ֥ה רָֽעָתוֹ בְּקָהָֽל.
27. כֹּרֶ֣ה שַּ֭חַת בָּ֣הּ יִפֹּ֑ל; וְגוֹלֵ֥ל אֶ֝֗בֶן אֵלָ֥יו תָּשֽׁוּב.
28. לְשׁ֣וֹן שֶׁ֭קֶר יִשְׂנָ֣א דַכָּ֑יו; וּפֶה-חָלָ֥ק יַעֲשֶׁ֥ה מִדְחֶֽה.
'마인드' 카테고리의 다른 글
| 잠언 27장(히브리어) (0) | 2024.05.27 |
|---|---|
| 사랑과 기억의 소용돌이 속에서 들려오는 목소리 - 김영하의 『너의 목소리가 들려』 (0) | 2024.05.26 |
| 이중간첩의 정체를 밝히는 숨막히는 추적 - 김영하의 『빛의 제국』 (0) | 2024.05.25 |
| 잠언 25장(히브리어) (0) | 2024.05.25 |
| “망망대해를 넘은 꿈과 절망의 여정: 김영하의 검은 꽃” (1) | 2024.05.24 |